Son Xəbər: Martin Ryanın məhkəməsində şahidlər dindirilib, Prokuror hakim sevgilisini güllələdi, Atəşkəsdən sonra Qəzzada 100-dən çox uşaq ölüb, Universitet müəllimi vəfat etdi, İrana görə ən çox zərər görəcək 5 ÖLKƏ, İş yerini qarşılıqlı dəyişdirən müəllimlərin NƏZƏRİNƏ!, Aİ: Müəyyən bir məqamda Putinlə danışıqlar aparmağa məcbur qalacağıq, Rusiya Müdafiə Nazirliyi "Oreşnik" zərbəsi ilə Lvov təyyarə zavodunu sıradan çıxardığını bildirib, Bakıda və bəzi rayonlarda külək güclənəcək, Bakının mərkəzində yağış suları ilə bağlı problemlərin həlli üçün yeni sistemlər qurulacaq,

Ağdamda traktor minaya düşüb, xəsarət alan var - YENİLƏNİB - BİRGƏ MƏLUMAT

Tarix: 18-12-2025, 09:35

Daxili İşlər Nazirliyi, Baş Prokurorluq və Minatəmizləmə Agentliyi (ANAMA) Ağdam rayonunda mina hadisəsi ilə bağlı birgə məlumat yayıb.

Bildirilib ki, işğaldan azad edilmiş Ağdam rayonunun Çəmənli kəndi ərazisində dekabrın 17-si saat 22:00 radələrində mina hadisəsi baş verib.

"1982-ci il təvəllüdlü Sarıcalı kənd sakini Məmmədov Qədir Malik oğlu keçmiş təmas xəttində minalardan təmizlənməmiş ərazidə traktorla yer şumlayarkən tank əleyhinə mina partlayışı nəticəsində xəsarət alıb. Xəsarət alan şəxs xəstəxanaya təxliyə edilib. Faktla bağlı Ağdam Rayon Prokurorluğunda araşdırma aparılır. ANAMA, AR DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırır!", - birgə məlumatda qeyd olunub.

17 dekabr, 22:02

Ağdamda mülki şəxs minaya düşərək xəsarət alıb.

"Report"un Qarabağ bürosunun xəbərinə görə, hadisə Çəmənli kəndində, təsərrüfat sahəsində səpin işləri aparılarkən baş verib.

Belə ki, kənd sakini Məmmədov Məlik Qədir oğlu əkin sahəsində işləyərkən minaya düşüb.

O, xəstəxanaya çatdırılıb.

Faktla bağlı araşdırma başlanıb.